Observatio Cometae, Qui Mense Maio A. 1759 Apparuit, Facta Hagae-Comit. à Petro Gabry, I. V. D. Societatis Reg. Scientiar. Socio, et Commercio Literar. Cum Academ. Scientiar. Parisiensi et Reg. Societ. Gotting. Juncto: Communicated by Mr. Emanuel Mendez da Costa, Librarian of the Royal Society

II. Observatio cometæ, qui mensæ Maio A. 1759 apparuit, facta Hagæ-Comit. à Petro Gabry, I. V. D. Societatis Reg. Scientiar. Socio, et Commercio Literar. cum Academ. Scientiar. Parisiensi et Reg. Societ. Gotting. juncto: Communicated by Mr. Emanuel Mendez da Costa, Librarian of the Royal Society. Read Jan. 13, 1763. Die 2 Maii, vesperi hora 9, cælo sereno, prima vice cometam vidi exorientem, et in gradu $19^\circ 12' 24''$, Virginis, cum $28^\circ 40' 5''$ latitud. austral. existere, observavi: cauda existente admodum exigua, et vergente versus stellam W Doppelmajeri Atl. coel. in constellatione Hydræ, vel $\beta$ Bayeri Uranometr. Tab. 42. et Flamsteedii Atl. coel. in constellationibus Hydræ, Corvi, & Crateris, in basi Crateris australis. Ipse vero cometes ei stellæ, quæ est tertia et proxima ante Craterem V Doppelmajeri, vel $\gamma$ Bayeri Tab. 44. in constellatione Hydræ, quasi subsidebat, paulo tamen illa australior. Secunda vice observavi eundem cometam ascendentem supra horizontem proximè sequenti die 3 Maii, post nonam et dimidiam vesp. horizonte nostro meridiem versus exhalationibus infra cometam obtecto. Invenci autem ejus longitudinem $17^\circ 11' 40''$ cum latitud. $27^\circ 20' 20''$ austral. Idem tum australior factus longius à Crateris basi recesserat, ita ut fere in recta cum $\Omega$ ad alam dexteram Corvi Bayeri Tab. 43, et spica linea existere videretur. Tertia Tertia vice cometa mihi fuit conspectus vesperi die 6 ejusdem mensis post horam nonam cum dimidia. Vidi tunc cometam multò occidentaliorem quam \( \varphi \) et supra \( \varphi \) Bayeri Tab. 44, factum esse, et cum corde Hydræ et ala sinistra Corvi \( \gamma \) Bayeri Tab. 43, efficere triangulum obtusangulum, cujus angulus erat in cometa obtusus et horizonti vicinior; basis sive hypotenusa erat recta jungens dictas stellas, et versus zenith vergebatur. Cometa longitudinem habebat \( 12^\circ 51'7'' \) \( \text{mp} \), et latitud. austral. \( 22^\circ 37'24'' \). Proximè sequenti die 7, post nonam et dimidiam (paullò ante 10) vespertinam, eum iterum contemplatus sum, et cum prima trium ante craterem \( S \) Doppelmajeri, vel \( \mu \) Bayeri Tab. 44, et proxima ante craterem \( V \) Doppelmaj. vel \( v \) Bayeri, iterum ferè conflare triangulum obtusangulum; non ut hesterno die, sed in statu inverso, et non tam obtuso: cujus angulus ad cometam obtusus erat, et zenith versus vergebatur, hypotenusa seu basis jungens dictas stellas, recta, et horizonti vicinior, et cometa sane sine cauda. Longitudo ejus \( 11^\circ 59'14'' \) \( \text{mp} \), cum latitud. \( 21^\circ 1'44'' \) meridional. Cæterum, diebus 15 et 16 ejusdem mensis cometam admodum debilem vidi, et fine magno labore tubo contemplatus sum, ita ut nulla amplius observatio à me fieri potuerit.