D. Alberti Haller Concil. Aul. & Archiatri Regis Britann. & Electoris Brunsvic. Prof. Anat. & Bot. Gottingensis, S. R. Ang. & Suec. Soc. Observatio de Ovarii Steatomate, & de Pilis Ibidem Inventis

and before I have Leisure to write again, I may possibly be prevented by a better Hand, which, I hope, may put an End to a Dispute that has too long pester'd the Learned World. But, in this, I shall be guided by your Judgment; and shall therefore, at present, take up no more of your Time, than only to profess myself, Dear SIR, Your most affectionate Friend, and most obedient Servant, Apr. 10. 1744. James Jurin. XI. D. Alberti Haller Concil. Aul. & Archiatri Regis Britann. & Electoris Brunsvic. Prof. Anat. & Bot. Gottingensis, S. R. Ang. & Suec. Soc. Observatio de Ovarii Steatomate, & de Pilis ibidem inventis. Read April 12. 1744. NON rarissimas esse hujusmodi historias non ignoro; & minus raras esse video quam e re esset generis humani, neque tamen vulgares esse, vel haæ ipsæ transactiones philosophicæ docent, in quarum fastos duo exempla inseruerunt D. Samson & Tyson. Ancilla fuit, post longum morbum consumta, triginta fere annorum, cujus cadaver in theatrum nostrum illatum est die 24° Januarii, anno 1743. Cum Cum corpus aperirem, continuo magnum in pelvi tumorem vidi, qui spem fecit graviditatis; sed frustra ea spes fuit; uterum enim inquirens suo loco reperi, tumores vero duos, modica convalle distinctos, in summa pelvi utero adjacentes. Huic tumorì adnatam reperi dextram tubam, ut pene media pars membranæ tubam efficientis in tunicam morbosi corporis innata & immersa esset. Tuba cæca fuit. Huic porro tumorì, deinde utero, duabus laciniis omentum adhaësit, ex Hippocratis antiquissima observatione. Sacci etiam morbosi tunicæ passim hydatides adhaerebant. Nihil in sinistro latere praeter naturam se habuit. Dimensiones omitto, quas icon exprimit. Tumorem, quem esse ovarium facile videbam, incidi; involucri crassitiem reperi pene lincae. Saccus erat undique cavus, septo quodam in duos loculos divisus. In minori sacculo materies melli similis erat; sed adipis tamen etiam similis, in qua magna vis pilorum humanis simillimorum, fuscorum, crisporum, pene biuncem longorum, temere hærebat. Meliceredis antiquorum certum exemplum nactus, flammae admovi mellem maßam; ignem ea continuo recepit, & adipis more deflagravit. In majori loculo alterius generis putulenta materies fuit lactis similis; cui innatarent frustra quasi pulmonis, fusca & friabilia. Non arduum videtur definitu, ova duo, aut vesiculas duas, morbose in hac femina intumuisse, & paulatim totam ovarii capacitatem sibi usurpasse, deletis reliquis quae minime resisterent vesiculis. Id difficilius videtur, qua ratione in ovario nata sit tanta vis adipis, ad unciam forte, si placisset eximere omnem. omnia. Nam in sano Ovario, ne mica veræ pinguedinis adparet. Constat adeo, ubicunque cellulosà tela est, eo aliquando pinguedinem deponi posse, etsi minime vulgo soleat. Ita in scroto, in pene, adipem vidi; & novi repertum fuisse, in tenera illa cellulosa fabrica, quae choroidem oculi interest, & scleroticam. Deinde quæri potest, quomodo pili nasci potuerint, absque ulla vel cute, vel membrana, in qua radicati fuerint? Non ignoro etiam alibi pilos, etsi cutem perforent, in pinguedine tamen veras radices habere, quod in scroto & pube valde manifestum est. Sed id difficilius videtur, quomodo in loco ab epidermide remoto, involucrum tamen simillimum & corneum, & pellucens, in his morbosis pilis ortum sit? & annon inde labefactetur vulgaris sententia, crustam pilorum a cuticula esse; & demonstretur, corticem verum pili ab ipso cortice bulbilli continuari? Nam hos pilos factus destructi reliquias fuisse non videtur: etsi minime ignorem in aliis, Tysonique imprimis casu fuisse: ibi enim cum pilis dentes etiam in ovario fuerunt. In nostra enim femina nihil quidquam de solidioribus corporis partibus, superstes factum esse, pilosque, adeo evidenter molliores, solos vim eam effugisse, quae ossa dentesque destruxerat, id quidem non fit probabile. Figurarum Explicatio. Tab. III. Fig. I. A, Arteria Aorta super pelvem. B, Vena cava. C, Ploas sinister. K D, Omentum D, Omentum. E, Ejus adhaesio ad uterum. F, Altera adhaesio ad ovarium morbosum. G, Uterus. H, Intestinum rectum. I, Tuba sinistra. K, Ovarium sinistrum obiter indicatum. L, Tuba dextra. M, Ejus laciniæ. N, Ligamentum ovarii dextri. O P, Ovarium morbosum. O, Saccus major inferior. P, Saccus minor. Q Q, Hydatides externæ superficiei adnatae. Fig. II. A, Saccus est morbosus fœrorum pictus. A, Loculus major apertus. B, Crassities morbosæ membranæ ovarii. C, Materiei purulentæ pars aliqua superstes, postquam major pars effluxerat. D, Loculus minor, in quo mellica pinguedo et pili. E, Septum loculos separans. F, Hydatides. Totus tumor cum utero in thesauris anatomicis Academiae conservavi.