Observatio Anthelii Vitembergae Spectati; per J. Fried. Weidlerum Mathes. Prof. Ibidem Primar. & R. S. Lond. Soc. Communicata, in Epistola ad C. Mortimerum, R. S. Secr.

Vide Tab. I. Fig. A. B. C. Figurarum, sub lente Musschenbroeckiana a me delineatarum, explicatio. Fig. A. Flos antice visus, ut filamentum adpareat. a. Filamentum. b. Antheræ, antice visæ. Fig. B. Flos a tergo pictus, ut pistillum conspicatur. c. Antheræ, postice visæ, ut sulci in conspectum prodeant. d. Germen. e. Stylus cum stigmate. Fig. C. Semen. f. Semen fere maturum. g. Stylus marcescens, supra semen reflexus. XII. Observatio Anthelii Vitembergæ spectati; per J. Fried. Weidlerum Mathes. Prof. ibidem Primar. & R. S. Lond. Soc. communicata, in Epistola ad C. Mortimerum, R. S. Secr. Die 18 Januarii A. 1738. quidam ex auditoribus meis, cum ante meridiem in campo prope Vitembergam agros dimetiretur, forte fortuna Anthelium, sive Solis imaginem e regione Solis veri versus septentrionem positam conspexit. Nimirum mane hora 8 cœlum undique serenum, mox circa horam 9, e septentrionali plaga, nubes exoriuntur, ibique sensim & paullatim condensantur, temporis progres- su hæ in meridiem ulterius se se explicabant. Hora 9. min. 30. cum nubes obscuræ fere verticem atti- gissent, apparuit in illis Sol Soli oppositus, pari ma- gnitudine, rotundus, admodum splendidus, ut oculi ejus lucem ferre non possent, corona sive halone ovali cinctus. Diameter coronæ major, Solis circiter diametros quinque, minor tres capiebat: Ipsa corona rubro flavoque coloribus exornata, parte rubra in Anthelium versa: Tractus nubium, reliquus intra coronam flavescebat, hinc inde etiam rubebat. In Anthelio decussatim se se secabant duæ iridis por- tiones, sub angulo 60 fere graduum, utrimque in ortum & occasum flexæ, & ad coronæ ovalis peri- pheriam continuatæ: Quales A. 1661. D. 6. Sept. Hevelius quoque cum Anthelio vidit, quemadmodum in tractatum de Mercurio sub Sole p. 176. narrat. Durabat spectaculum per horæ quadrantem; cum enim nubes in meridiem longius extenderentur, & Solem verum occultarent, Anthelius evanuit. Ningit postea parum hora undecima: Mane lenis ventus ex media inter meridiem & occasum plaga spirabat. En figuram ab ipso spectatore mihi exhibitam, in TAB. II. Fig. 1. XIII. Oc.