Epistola Continens Historiam Calculi in Vesica Sponte Fracti, et per Urethram Feliciter Excreti; ad Illustrem Generosissimumque Virum D. Fred. de Thom, Serenissimo Duci Brunsvicensiet Luneburgensi a Consiliis, Oratorem Ejus apud Potentissimum Magnae Britanni ae r egem, nec non R. S. S. a Laurentio Heistero, M. D. Prof. Botan. in Acad. Julia Helmstadii, et R. S. S. Conscripta

III. Epistola continens Historiam Calculi in Vesica sponte fracti, & per Urethram feliciter excreti; ad Illustrem Generosissimumque Virum D. Fred. de Thom, Serenissimo Ducì Brunsvicensi et Luneburgensi a Consiliis, Oratorem ejus apud Potentissimum Magnae Britanniae Regem, nec non R.S.S. a Laurentio Heistero, M.D. Prof. Botan. in Acad. Julia Helmstadii, & R.S.S. conscripta. Cum nuper, Vir Præstantissime, qualemunque apparatus meum & Anatomicum & Chirurgicum & Botanicum, aliaque res & naturales & præter-naturales inspicere dignatus sis, atque inter alia Calculos Vesicæ in homine vivo in vesica sponte fractos, & per urethram feliciter excretos Tibi demonstraverim, simulque monuerim, hoc quam rarissime contingere, & propterea solutionem calculi in vesica a quam plurimis, atque cum primis etiam ab Anglis recensoribus impossibilem haberi pronunciarique, rogasti, ut Tibi propediem in Angliam redeunti, frustula nonnulla horum calculorum cum brevi quaedam historia sive descriptione darem, quæ Academiae Regiae Londinensi, cujus membrum es dignissimum, offerres, ut Ipsa insolitam atque inusitatam hanc rem videre, ulteriorique scrutinio subjicere, ino & incredulos rem ita vere ac tan esse persuadere possit. Quare cum præcipue id mihi negotii datum esse existimem, ut verum in unaquaque re pateat, atque scientiae artesque liberales hoc ipso melius perficiantur atque augeantur, antur, mitto Tibi hac occasione nonnulla horum calculorum frustula, cum brevi & vera actae rei historia. Est enim his in terris Brunsvicensibus in Coenobio seculari, quod Marienthal appellatur, & ad horae circiter distantiam ab Helmstadio, celebri Academiae Juliæ sede, situm est, rerum oeconomica- rum hujus Coenobii Praefectus, nomine Widmannus, Vir sexagenario major, sed robustus & dura vitae victusque generi adsuetus, qui per plures annos primo calculo renun saepse & vehementer laboravit, eorumque sensim magnam copiam, quorum multi Pili magnitudinem superarunt, per iter urinae haud sine magnis doloribus excrevit. Tandem vero quatuor ab hinc annis calculi quoque vesicae omnia percepit symptomata, ita, ut saepse non nisi maximis cruciatibus in pubis & perinæi regione perceptis urinam excernere voluerit. Tandem vero anno 1728, postquam aliquamdiu variis, ut fieri his in casibus solet, usus erat remediis, & inprimis Tinctura antinephritica, ut vocant Lipsiensi sive Rothiana, atque simul cerevisiam illam his in regionibus contra calculum celeberrimam, quæ Regiae Lutheræ vulgo Königs-Lutter, oppido Brunsvicensi, coquitur, & quam Duchstein appellant, hancque ob causam in loca sive urbes remotissimas devehitur, continuo pro potu ordinarior hauserat, aliquando vehementes inter mingendum dolores, nisum & constrictionem in vesica, sensumque eo ipso, ac si calculus, sive calculi in vesica frangerentur ac dissilirent, percepit, eoque ipso mox aliquot frustula calculi fracti cum lotio dejecit, quæ deinde per plures dies alia secuta sunt, donec tandem ab eis liberatus bene atque pancratice ab omnibus & calculis & calculi doloribus, immunis nunc vivat. Calculos plures una in hoc viro fuisse majores, majores, quam ut integri per urethram transire potuissent, docent primo diversus color diversorum frustulorum, quorum nonnulla fuscum obtinent colorem, alia flavescentein ad sulphuris colorem aliquo modo accedentem, quemadmodum ex his adjectis frustulis perspicere est. Deinde id evincunt diversa horum frustulorum segmenta: quorum alia majoris alia minoris arcus segmenta sunt. Quod ad numerum attinet frustorum, centum circiter ejusmodi mihi dedit, qualia Tibi, Vir amicissime, nunc offero, quae ex matula collegit. Sancte vero mihi affirmavit, magnam eorum, imo forte adhuc majorem copiam in terram decidisse & periisse, cum saepe ruri, vel in sylvis, vel in stabulis ad res domesticas curandas degens, mejendi stimulo fuerit corruptus, atque sic multa cum urina vel in terram, vel inter herbas aut stramina ejece-rit. Nonnulla horum frustulorum dimidium pollicem æquant, plura minora sunt, eorumque superficies externa convexa, interna in plerisque concava, alia nucleum, ut vocant, calculi adhuc exhibent. Habes igitur, Vir generosissime, exemplum recens & certum, quamplurimis hic & in vicinia notum, calculi vesicae dissoluti & excreti sine lithotomia, ubi Vir, qui eo laboravit, adhuc hodie, dum haec scribo, vivit & valet. Ipleque Vir est honestus, antiquae & germanae fidei, cui, ut hac in re fallat aut mentiatur, nulla est causa. Notus est morbus olim perpetus hominibus quamplurimis; nota jam est ejus secunda valetudo omnibus, qui eum norunt. Calculorum fractorum ingens copia & facies, quod revera e vesica sint, rem ulterius confirmat, ita, ut certi esse possimus, haec frusta revera in vesica ejus integros calculos fuisse, qui postea in vesica, necio utrum medicamentorum, camentorum, an cerevisiæ illius, an naturæ beneficio disrupti & expulsi sint. Ex segmentis frustulorum valde convexis, quæ hic mitto, & quæ adhuc adservo, judicare licet, vix ullum illorum calculorum nucem moschatae superasse, plures vero minores fuisse. Interea tamen solutionem calculorum in vesica haud prorsus impossibilem esse, mihi evincere videntur, licet res forte quam rarissime contingat. Vale mihique fave. Dab. Helmstadii in Academia Julia ipsæ Calendis Octobris, M DCC XXX. IV. A Letter from the Reverend William Derham, D.D. Canon of Windsor, and F.R.S. to Sir Hans Sloane, Bart. Praef. Coll. Med. & R.S. concerning the Frost in January, 1732. The late Frost having been almost as intense as any that hath been for many Years, I send you my Account of it; which if you think worth the Cognizance of the Royal Society, be pleased to impart it to them. In the Philosophical Transactions for November and December, 1709, Numb. 324, I have given an Account of some of the most remarkable Frosts that I could find any Relation of; and particularly of that great and, I had almost said, universal one in 1708, which the Society had very good Histories of from divers Parts, and which, in that Transaction, I have given an Account of from the Original Papers, which