Editoris Recensio Experimentorum Circa Ambram Gryseam á Domino Joh. Browne, R. S. S. & á Dno. Ambrosio Godofredo Hanckewitz, R. S. S. Institutorum, Cum D. Neumanni, R. S. S. Experimenti Sui Vindicatione

mihi parabitur, si quis mihi meliores, magis suffici- entes, magisque demonstrabiles relationes de Ambra grysea, ejus origine, natura & mixtione impertie- tur. Caspar Neumannus, M.D. Profess. Chymiae, Societatum Scientiar. Reg. Magn. Britt. & Pruss. ut & Acad. Nat. Curios. Soc. Berolini d. xv. Octobr. 1729. II. Editoris Recensio Experimentorum circa Am- bram Gryseam à Domino Joh. Browne, R. S. S. & à Dno. Ambrosio Godofredo Hanckewitz, R. S. S. institutorum, cum D. Neumannii, R. S. S. Experimenti sui vindica- tione. Mandatum fuit Chemicis expertissimis Regalis Societatis sociis dignissimis Dnis Browne & Godofredo Hanckewitz, ut Operationem de Ambra grysea à clarissimo D. Neumanno chemiae pro- fessore & R. S. S. institutam sedulò repeterent. D. Browne, cum censeret clarissimum Dn profes- sorem nimis parvam quantitatem, scilicet Drach- mam unicum, in experimento suo adhibuisse, sum- sit Ambra grysea unciam & semisse, cum terra cimolia alba siccatisima (qua semper utitur ad salem ex Succino eliciendum) in pulverem redactam, quam Retortae inditam variis Caloris exposuit gradibus: obtinuit primò phlegma aquæ purissimæ instar pellucidum, dein Spiritum Cerevisiæ instar fuscum, huic succedebat oleum colore magis fusco, ultimo habuit, per ignem fortissimum, Balsamum spissum, nigrum. Ex quibus oleum quidem & Balsamum cum illis, quæ ex Succino prodeunt, odore tenus convenire fassus est, sed nullum omnino sale acidum volatilem, uti ex Succino, elicere potuit, nec Spiritus hic Ambræ gryseæ ullum motum cum alcalicis dedit, quemadmodum ille ex Succino tali sale acido abundat. Illud autem acidum volatile, singulare Succini Criterion reputat. Residuum quoque ex Succini distillatione, durum est, nigrum & Gagatis instar, ex hujus vero distillatione, cimolia remansit pulvis, nigredine solummodò tinctus. Cum nullam igitur Aciditatem, nullam volatilitatem per totam operationem deprehendere potuerit, an Ambra grysea sit Excrementum animale necne, in dubio relinquit: sed notat omne suaveolentum, omne gratum lenissimo igne perire. D. Godofredus, primò duas Ambræ grysea uncias duplici Arenæ albae purissimæ ponderi mistas ex Retorta distillavit; secundò alias duas uncias similiter distillavit, habuitque in utraque operatione oleum limpidum, & residuum bituminosum: oleum per se rectificatum dedit phlegma saporis gratè subacidi, quasi aceti dilutioris, & deinde sequutum est oleum limpidum, balsamicum, bituminosum, petroleo simile: tertìò distillavit semiunciam Ambræ grysea per se, eademque per ignem satis moderatum obtinuit; postquam ad summam siccitatem Ambram gryseam distilaverat, laverat, ursit residuum igne maximo, &c. remanserunt ultimo grana tria Terræ albæ salinæ, cum acidis modicè effervescentis vel Aëri humido expositæ per deliquium fluentis. Cum ex carbone ceu Residuo nigricante duarum primarum operationum nullum salcm volatilem, nullum elicere potuerit phosphorum, pronuntiat certissime Ambram nec animale quid, nec Excrementum animalis esse; phosphorum enim ex omnium notorum Animalium excrementis obtinere potest, uti amplè explicuit in Transact. N° 428. Ambram igitur statuit esse Bitumen ad Succinum proximè accedens; verum autem Succinum esse, cum salem acidum volatilem, similem illi ex Succino, non præbeat, haud concedit. Reiteravit denuò Experimentum, cum Ambrae grysea & vitri pulverizati partibus æqualibus; quia suspicio oriri poterit in Arena hæsisse terræ alcalicæ aliquid, quod acidum ex Ambra, liquid in ea extiterit, absorbuerit; sed operatio exhibuit iterum eadem, nisi quod phlegma saporem salis neutri, quippe non acidi præbuerit; & post ignem vitri pulverem fundentem, Residuum bituminosum liberum à massa vitrea, ei incubuit carbonis instar nigri, & sepe per totam Retortæ faciem internam ad collum usque florum ceu floccorum nigrorum, tenuissimorum quidem & splendidorum instar disperserat. Omnis circa hæc Experimenta Lis facile componi potest, si Ambra grysea quasi substantia mixta ex variis peregrinis conflata consideretur uti cætera mineralia, & non quasi corpus simplex purum uti metallæ; nulla enim minera metalli cujusvis, exempli gratia plumbi, in omnibus portiunculis æqualem metalli vel admixti certi mineralis quantitatem exhibet, similiter similiter Ambræ gryseæ portiunculæ variæ eadem quantitates salis illius acidi non continent; uti videmus in Experimentis Godfredianis, ubi in uno phlegma saporem subacidum, salis istius signum indubitabile, in alio saporem habuit salis neutri, & portiuncula illa à D. Neumanno examinata plus aliis istiusmodi salis continuit. Sal præterea, quò plus oleo irretitus est, eo difficilius separari potest. Eodem modo evenit in Experimentis quibusdam de Calce viva, referente D. Neumanno in literis ad D. Godofredum datis, ubi scribit, illa aliter in Anglia, aliter in Gallia successisse; unde Gallus quidam eadem reiterans, quæ in Anglia certo modo successerant, cum in Gallia eodem modo non responderent, omnino falsa esse declaravit. Clarissimus Neumannus præterea in aliis literis ad Illustrissimum R. S. Pr. Da Sloane scriptis declarat se nolle, quòd intelligatur se dixisse (p. 421.) Ambram gryseam esse reverà Succinum, sed tantummodo esse ex genere Succineo, vel Bitumen quidem ad Succinum proximè accedens, quod Ratio fuit veteribus, cum utramque Ambram appellaverint, illam Citrinam, hanc odoriferam. Addit denuo de sale isto acido volatili, cujus granum unum vel alterum obtinuit, se falli non posse, nam in Aqua, uti sal solvebatur, syrupum violarum, uti alia acida, colore tingebat rubro; & volatilis est, quippe qui distillatione ascenderat.