De Structura Diaphragmatis. Epistola Domini Antonii van Leeuwenhoek, R. S. S. ad Societatem Regiam

from small decay'd Towns, where several of them were then seated, in Urbes Celebriores, Stigand then Bishop of Selby settled his Episcopal Chair at that Place. I shall conclude with observing, that when this Inscription was dug up, there were also two Walls of Stone discovered close by it, three Foot thick each, one running North, the other East, and joining in an Angle, as the North-street and St. Martins-lane now turn, which, in all Probability, were Part of the Foundations of the Temple mentioned on the Marble. Octob. 31. 1723. II. De Structura Diaphragmatis. Epistola Domini Antonii van Leeuwenhoek, R. S. S. ad Societatem Regiam. Delphis, 31 Maii 1723. In epistola illa, quam ad Dominum Jurin nuper perscripsi, paucis aperueram opinionem meam de morbo, qui nuperrima hyeme me invaserat. Statuebam enim malam affectionem Diaphragmatis originem morbo praebuisse. Ut autem de hac Diaphragmatis affectione omnem mihi dubitationem eximerem, Diaphragma ovis anniculae ad me deferendum curavi; partem illius Diaphragmatis in minuta frustula consecutam, ope microscopii, qua potui diligentia consideravi; comperique Diaphragma ex parte compositum esse ex tenuissimis fibrillis; quae sine microscopio conspectae latum circiter capillum inter se distant. Cum Cum deinde diversa Diaphragmatis frusta diversis microscopiis applicuisset, & visu diligentius examinassem; pro certo statui fibrillas illas ex partibus exoriri carnosis, quae Diaphragmati circa costas intexuntur. Eadem fibrillas Diaphragmati vice tendinum inservire judicabam. Tendines isti, sic mihi dicti, non sunt per totum Diaphragma æque sibi vicini: Quin alii aliis, quamvis sibi vicinis, sunt aliquanto crassiores. Cum autem & fibrillas modo dictas, & membranam inter fibrillas exporrectam, rite considerasset; animadverti Diaphragma, quantum ad maximam sui partem, ex fibrillis istis, & membrana fibrillis interjecta, compositum esse: Si tamen vasorum sanguineorum & copiosi adipis, quae Diaphragmati magna copia insident, rationem modo non habeamus. Membrana vero, inter tendines (ita mihi dictos) interjecta, tot rugulis exiguisve plicis scatebat, ut pene obstupescerem: istas autem rugas sive plicas ad hunc usum naturaliter destinatas esse credebam, ut Diaphragma per aëris inspirationem extensum rursus contraherent; eaque ratione opem suam conferrent ad aërem, qui Pulmones per inspirationem impleverat, inde expellendum. Ut Diaphragmatis contexturam oculis spectandum exponerem; exiguum Diaphragmatis ovilli modo dicti portionem delineari, & in icone 2. per ABCDEFGH designari curavi. Ubi BG, CF; & DE, tres sunt tendines, ea magnitudine expressi, quam microscopium oculis exhibebat: qui tendines, ut jam ante monui, magnitudine non parum inter se differunt. Inter illos vero tendines membranam interjectam videmus; ex quibus tendinibus, & interjecta membrana, Diaphragma maximam partem compositum esse modo dicebam. Ut autem de vera iconis 2 magnitudine judicare positis, delineatorem, ut veram frustuli delineati magnitu- dinem digito indicaret, rogavi; qui mox spatium inter Y Z in iconae 5. commonstravit. Adhaec membranam modo dictam permultis iisque exiguissimis foraminibus pertusam esse observavi: quae exiguissima foramina ab abdomine patebant in pectus, & a pectore vicissim in abdomen. Cum autem fieri non posse haec tenus judicaverim, ut humor quispiam ex pectore delabatur in abdomen, vel ex abdomine subvehatur in pectus; nunc satius mihi videtur, indicium super ea re meum suspendere. Quin sic mecum differo; forte etiam pulmonibus nostris vasa infunt incomprehensibilis exilitatis. Quippe si cogitemus, quantum humoris ex pulmonibus nostris per exspirationem educatur in aërem, praë exigua humoris copia quam inspirando ex aëre inferimus in pulmones; facile in sententiam illam propendebimus. Sed & hoc non semel observavi, quod fibrillas illas, quas tendines appello, vasa quaedam perrepant itinere transverso. In alio ejusdem Diaphragmatis frustulo, quod microscopio applicatum servabam, clare intueri licebat structuram exortumque membranularum; quas inter fibrillas, sive tendines sic mihi dictos, interjacere dixi. Membranulas illas permagno plicarum numero, ut etiam præmonui, instructas videmus: quae omnia in iconae 3, exhibentur ad L K. Fibrillæ vero, sive exigui tendines, de quibus modo differebam, in eadem iconae designantur per L M N O P Q. Verum fibrillæ istæ sunt hic majores, quam uspiam mihi occurrerint. Præterea membranam illam, ex qua Diaphragma maximam partem constare dixi, quamvis tam tenuem, a se divelli, & exiguum avulsæ partis portionem ope microscopii in iconae 4 exprimendam curavi. Quod eo consilio feci, ut laceros tendines atque membranulas, quantum tum ars imitari naturam poterat, oculis subjicerem. Ergo hic per R S T V particula indicatur tendinis extensi: ubi & exilissimae exhibentur fibrillae, ex quibus praedicta tendinis portio contexta est. In eadem icone per V T & W X portio designatur tendinis quiescentis. Istud vero neque explicari, neque satis comprehendi potest, quam incredibilis fibrilarum, vasculorum, & particularum numerus hic inter se conglomere tur; & ad tenuissimae membranae, Diaphragmatis inquam, formationem concurrat. Sic autem statuo, quoties validius inspiramus, omnes illas plicas sine sinuosas corrugationes in Diaphragmate evanescere atque complanari: quoties autem exspiramus, Diaphragma rursus in plicas rugasve contrahi, quod & superius notavi. Dum igitur tantam adipis copiam in Diaphragmate gigni, & congregari videmus; praetereaque cogitamus substantiam Diaphragmatis per adipem illum sic utrimque posse crassescere, ut in tumorem extuberet; facile intelligemus Diaphragmatis expansionem atque contractionem ea ratione posse impediri atque pigrescere, atque hinc spirandi difficultatem consequi: ob quam rationem homines obesos praet aliis anhelos esse judicamus. Modico autem adipe Diaphragma perfundi obli nique necessarium statuimus: cum enim Diaphragma singulis horis nongenties expandi & nongenties contra hi necesse sit; motus illos per adipem magnopere adju vari censamus. Ceterum frequentiori indagatione explorare conatus sum, qua ratione carneae Diaphragmatis partes, quas costis vicinas esse dixi, transissent in membranam; sive qua ratione membrana Diaphragmatis ex illis effet exorta. Verum licet indagationem illam crebro frequentarem, ipse mihi satisfacere non potui. Jam & illa dubitatio me subierat, an non tendines, quos ego quidem sic voco, vasculis sint instructi: Et licet microscopio meo vix tantum tribuere auderem; tamen tertio post die indagationem iteravi, & tendines transverse dissecui: quando & illuc indagationem meam dirigebam, ut etiam in membrana Diaphragmatis, quam rugosam esse dixi, sanguinea vasa requirerem. Tandem igitur successit, ut sanguinea vasa secundum longitudinem tendinum protendi, imo octonos denique invicem adjacere viderem. Inde ad membranam, quae tendines quasi circumvestit, oculos converti; in eaque tam ingentem observavi numerum exilisimum rum vasculorum, ut admiratione defixus hærerem. Complura istorum vasculorum velut areolis inclusa jacebant; quae tendinum transverse perfectorum vaçula esse cenfebam. Ut autem eorum omnium, quae modo narravi, testem haberem ocularum; microscopium istud, cui dictas Diaphragmatis particulas applicaveram, Chirurgo meo tradidi; qui dicta mea cum iis quae videbat, examussim convenire respondit. Hac tamen observatione non contentus, comparavi Diaphragma bovillum; ex quo circa partes illius carneas, quas costis adjacere dixi, frustum circiter palmarium excidi: comperique Diaphragma bovillum circiter quadruplo crassius esse ovillo; & hanc crassitudinem maxima ex parte illius adipi acceptam esse referendam. Exinde ex illa Diaphragmatis portione lamellam quam potui tenuissimam abscidi; quoties enim paulo crassorem exscindebam, perfecabam adipem, qui verus medium Diaphragmatis protenditur; puta, ubi Diaphragma satis est crassum, neque adipis expers. Diaphragma vero utrinque, id est, superius atque inferius, quatuor distinctis constat membranis, earumque tendinibus; tendinibus; qui tendines membranis veluti inclusi delitescunt. Istorum autem tendinum ingens multitudo non poterat mihi non admirationem parere: neque satis credibile videbatur in corpore, cujus structura functionesque tam parum sunt cognitae, in Diaphragmate inquam, tales tamque multiplices partes includi. Ut Diaphragmatis bovilli structuram oculis exponerem, partem illius in iconem 6 ad ABCD exprimendam curavi, ubi primo quatuor exhibentur partes distinctorum tendinum, qui magno numero invicem adjacent, & supra in Diaphragmate ovillo etiam sunt exhibiti. Verum per integrum bovis Diaphragma istiusmodi diffunduntur exiguissimi tendines, quos ego quidem sic appello. Et hos quidem tendines, una cum membranis, necesse est in rite constituto corpore sine ulla intermissione alternatim extendi atque contrahi; quae omnia in iconem 6 satis accurate delineator expressit. Tenuissimas illas fibrillas, uti & membranarum rugulas plicasve, per crebram indagationem etiam ex voto meo deprehendi in Diaphragmate ovillo; nec ipse tantum saepius cum voluptate consideravi, sed & aliis considerandas exhibui. Ceterum tendines illos, ita mihi dictos, & tenuissimas particulas transverse persecui; inquire volens num forte sint perviae, & cavitatibus praeditae. Quando incredibilis exilitatis vascula tanto numero in oculos meos incurrerunt; ut, qui ipse non viderit, vix mihi sit habiturus fidem. Tum & ingenitem percepi numerum exiguissimorum vasculorum, quae transverso Diaphragma itinere permeabant; & quantum ego quidem sentiebam, ad hoc officium a natura destinantur, ut adipem per omnes Diaphragmatis partes circumferant, & ipsi Diaphragmati continuum alimentum subministrent. Superius Superius modo dixi adipem in Diaphragmate inclu- sum latere; & utrimque super adipem quatuor expor- rigi membranas, inter se omnino distinctas. Addo mem- branas istas tam arcte sibi conjunctas esse, ut simplex esse membrana videatur. Jam vero alteri microscopio, quod paulo minus quam microscopia modo dicta magnitudinem objectorum au- gebat, frustum Diaphragmatis mediocris crassitudinis admoveram. Quod eo spectabat, ut demonstrarem, qua ratione membranæ partes Diaphragmatis adiposas, five ipsum Diaphragmatis adipem, utrimque circumdent; adeo ut adeps in membranis illis includi videatur. Id autem in iconè 7 indicatur per E F G H I K L M, ubi per E F G H, item per I K L M, duæ istæ quadruplices designantur membranæ; in G H vero, & I K, adeps sæpe jam dictus includitur. Cum deinde tenuissimam Diaphragmatis portionem, quæ præ manibus erat, in orbès conscindere conarer, Diaphragma in duas partes five lamellas fecerit; unde suspicatus sum Diaphragma sic a natura comparatum esse, ut adeps eo facilius per Diaphragmatis substanti- am distribuatur. In iconè 7, ubi membranæ transverse sectæ exhiben- tur, quædam exiguæ apparent corrugationes, quas in iis plerumque percepi. Postea comperi membranulas, in quibus adeps coeundo producitur, exilisfimis vaçcu- lis annexas esse; quæ tamen vascula per contiguarum partium exsiccationem in Diaphragmate iam dicto e- rant disrupta. Hanc ego membranularum & vaçcularum connexionem ex eo capite necessariam existimo; ne Diaphragma, quoties extenditur, omnino complane- tur, sed in cavitatem pene globosam sese expandat. Forte complures Diaphragma sentient esse membra- nam apprimè crassam; cum tamen sit membrana per- exilis. exilis. Ut igitur hunc illis errorem eximam; frustulum Diaphragmatis bovilli, sicut se nudis oculis offert, delineandum curavi: Istud tamen verum est, Diaphragma pro tenuitate sua esse oppido robustum, quod multitudini exilissimorum tendinum, de quibus sæpius egi, tribuendum esse statuo. Igitur per N O P Q, in icone 8, frustulum designatur Diaphragmatis bovilli: ubi per fibrillam N O unum latus, sive dimidia crasstitudo, Diaphragmatis bovilli indicatur; per P Q altera crasstitudinis illius medietas exprimitur. Reliquum Diaphragmatis, nempe quidquid inter O P & N Q interclusum est, adipe sive partibus adiposis est obsitum: nisi quod inter N Q nonnihil carnis interjaceat, pertinens ad carnem costis adjacentem. Igitur quo morbum antedictum, qui nupera hyeme me corripuit, & quem ego Diaphragmati maxima ex parte imputabam, sæpius in memoriam revoco; eo etiam sæpius Medicos errare cogito, dum palpitationem, quam in pectoris regione quandoque percipimus, cordis palpitationem appellant. Certe ego tales palpitations ex mala Diaphragmatis affectione oriri censeo; sive affectionem illam producat alimenti defectus, sive vasorum quorundam efficiat obstipatio, quae Diaphragma magno numero pervagantur. Talis enim obstipatio in ante-dictis tendinibus facile convulsivos motus excitare potest; & hanc morbi mei ipsissimam fuisse causam existimo. Sff III. Partium