Anatomia Senis Decrepiti, Annorum 109. Facta Tiguri, Die 2. Feb. 1723. A Joh. Jacobo Scheuchzero, Tigurino, Med. Doct. Matheseos Prof. & Regiae Societatis Socio

IX. Anatomia senis decrepiti, annorum 109. facta Tiguri, die 2. Feb. 1723. A Joh. Jacobo Scheuchzero, Tigurino, Med. Doct. Matheaeos Prof. & Regiae Societatis Socio. SUOS habent characteres variis ætatis gradus. A fluiditate ascendit homo sensim per soliditatis varias mutationes, donec cum rigiditate & fibrarum veluti immobilitate amittat vitam. Nec contemnendi est usus hæc in medicinâ consideratio. Accidit ante menses aliquot, ut ob decrepitam suam ætatem & raram, in Nosocomium fuerit receptus Johannes Leonhardus Vopper, Rhœtus, Sharaniensis ex coetu Glantino Fœderis superioris. Is juxta tenorem testimoniiorum lucem primum vidit, I. Maij 1614. A. 1634. Metalli fossor in venâ sepultus, per horas 33. sub terrâ jacuit: Mortuo, quam vivo, similius inde protractus, propter Abdominis validam, quam passus est, pressione, inde ab illo tempore incontinentiâ urinae laboraverat. A. 1637. iter fecerat per Hungariam, Turciam, Terram Sanctam, reversus Venetias. Post A. 1639. militem egit sup Capitaneo Casparo de Monte, in servitius Caroli Duci Lotharingiae, in statu Mediolanensi, & A. 1663. in Lusitania, sub Colonello F. Planta. A. 1682. interfuit obsidioni Viennensi, & in ultimo bello obsidionis Landavia & Cladi Hockstetteni. Ita vitam, per varios casus & mille rerum discrimina, protraxit senex noster ad annos 109. menses 3. In cadavere observavimus, cursoriè veluti, (non equidem licuit per temporis angustiam sectioni diu immorari) frequentia. In abdominis cavo erat, parvâ quidem copiâ, serum sanguinolentum extravasatum. Intestina tenuia fuere omnia inflammata, rubro colore tincta, & Duodenum præ primis integrum admodum dilatatam, internâ sui parte fracidum prorsus & gangrenosum; Omentum prorsus emaciatum, ut vix agnoscit potuerit: Pancreas contractum: Hepar sanum: Vesicula fellis bile repleta: Ductus Choledochi eadem turgidi, & tota vicinia Intestinorum & Mesenterii virore infecta, ut alicubi extravasata videretur bilis, cujus egressum in Duodenum invenire haud potuimus. Prope Pylorum, in Ventriculi superiore parte, aderat expansio veluti flatulenta, nuce juglande major. Renes sanî, ut & Lien, cujus exterior membrana, jucundo admodum spectaculo, obsessa erat hinc inde maculis nivei candoris, magis minusque latis, quae primo intuitu referabant pustulas Variolarum maturas, sed cartilagineae prorsus erant duritiei, & ultra superficiem reliquae membranæ aliquantum elevatae. Observo heic, antequam progrediar ulterius, non duntaxat rigescere fibras, & contrahi suprema æate, sed tantum non insenfiles fieri; nemo quippe juvenilis vel consistentis æatis pateretur inflammationem Intestinorum, qualis hæc fuit, absque acutissimo dolore, de quo tamen æger post senile delirium, quod aliquamdiu est perpessus, ad se ultimis vitae diebus rediens, nihil est conquestus. Cartilaginea illa Lienis crusta manifesto est indicio, posse ita rigescere membranas, ut tandem indurentur. Thoracis apertio non parum facessebat laboris. Fuerunt quippe non solum Sterni illæ costosæ prominentiae, aliàs cartilagineæ, heic planè osseæ, sed & cum ipsis Costis tantum non continuæ, indicio manifesto, Cartilagines fieri successu temporis osseas, quemadmodum membranae & arteriæ fiunt cartilagineæ, & ex cartilagineis non semel osseas narrant Historiæ. Pulmones viridantibus passim passim maculis obsessi, in utroque Thoracis latere, posticâ sui parte affixi erant Costis: Pericardium amplum & multo sero refertum, cujus & aliqua portio in cavo fluitabat Thorace. Cor ipsum vidimus satis amplum, imprimis Auriculas dilatatam praeter modum, & tum hase, tum Ventriculos sanguine concreto refertos, unde patet substitisse tandem sanguinis motum, propter defectum contractionis elasticæ in tubulis arteriosis, & Cordis machinam sanguini ad concretionem disposito expellendo non amplius fuisse sufficientem, imo propter nimiam resistentiam obrutam. Praestabat Tendinem illum, quo Cordi inferuntur arteriae, vel osseum plane, vel cartilagineum saltem: Osseus sane, quod novimus, fit in Cervis adultioribus, unde Os de Corde Cervi. Et sane aliquid tale offendimus, nimirum Valvulas semilunares, praeprimis Aortae, cartilagineas penè, praecipue media sui parte. Aortam ipsam descendentem observavimus valde amplam, diametri duplo majoris, quam est Gula, Parisini circiter pollicis. Gulæ instratae paslim erant Glándulae lentiformes induratæ. Amplitudo illa Aortæ indicat tardiorem ultimis fortè vitae annis progressivum motum sanguinis, unde arteriae, quae propiores sunt Cordi, fuere sensim dilatatæ, sicuti sæpe observamus dilataria adeo, ubi nimia est molis resistentia, ut in Aneurisma abeat egrediens è Corde Arteria magna. Pergimus ad Caput, ubi praedura Cranii substantia rursum solito majorem poscebat laborem: Suturæ, imprimis Sagittalis & Lambdoidea, erant fermè obliteratae, nec prorsus penetrabant utramque Tabulam, ut nulla fuerit per illas è cavitate illâ magnâ Capitis perspiratio, & succus ille Ossium nutritius, inter fissuras Suturarum extravasatus, factus quoque fuerit osseus. Foramina quidem tria quatuorve satis ampla, insupremo vertice, ad latas utrumque Sinus Sagittalis, pollicis fermè distantiâ ab invicem visuntur, internam Laminam ad externam usque penetrantia, absque quod illum illorum utramque perforet Tabulam. Dura Meninx triplo ferè crassior fuit, quam est ordinariè, coriacea penè: Pia separabatur facile, nimio utpotè irrigata fero, à Cerebri substantiâ: Ventriculi omnes fero erant referti, quod sat magnâ copiâ quoque fluitabat in Cerebri basi, imprimis ad Spinalis Medullæ egressum. Plexus Choroides Glandulis pisalibus, lymphâ coagulâtâ refertis, erat obseßus: Septum pellucidum egregiè poterat conspici: Cæterum Cerebri ipsa substantia, imprimis interioris, flaccidior solito. Innotuit mihi, inde ex quo obiit decrepitus noster, retulisse eum personis fide dignis, quod pater ejus, seculum jam supergressus, tres genuerit liberos, & ex majoribus pauci infra seculi ætatem obierint. Hoc certum est, nostro natam filiam Mariam Magdalenam ex uxore Ursula Hirzelia de Naniken pagi Tigurini, quæ S. Baptismatis charactere signata fuit Dieffenhouæ, 18 Aug. 1707. FINIS. LONDON: Printed for W. and J. Innys, Printers to the Royal Society; at the Prince's-Arms, the West End of St. Paul's Church-Yard.