Hydatidum Ingenti Copiâ in Abdomine Repertorum Historia. Communicavit Cum Societate Regiâ Johannes Thorpe, M. D. S. R. S.

IV. Hydatidum ingenti copiâ in Abdomine repertorum Historia. Communicavit cum Societate Regiâ Johannes Thorpe, M. D. S. R. S. Rhedarius Excell. S. D. Baronis de Penterrider, ætatis 58 annorum, Temperamenti sic diæi Cholerico Phlegmatici, Staturæ quadratæ, non obesus sed robustus, bene appetens, officio suo bene fungens; nec vino, nec liquoribus spirituosis immoderatè utens, bono satis Regimine vivens præterito Augusti Mense auxilium meum petiit, pro Abdomine fortiter tumente & tenso, Ascitico minimè absimili, urinâ arramen bonæ notæ & in quantitate sufficiente optimè prodeunte, pedum nullo œdemate comparente, Respiratione liber-rimè procedente, ventre autem in dies crescente (qui Mense Junio tumere incepit) sanguine in vasis hæmorrhoidalibus stagnante, nodos ibidem magnos elevante & interdum dolorificè furente, Appetitu ac Viribus nunquam prostratis. Fateor Ænigma mihi fuisse an Tumor sit siccus hæmorrhoidibus suppressis, medicamenta chalybeata cum Purgantibus mixta exhibui, per quæ fluxus hæmorrhoidum mox excitatus, dolores sedati, & magna sordium quantitas cum aliquali levamine per tubulum intestinalem fuit eliminata. Postea ad exemplum Etmulleri in hydrope sicco, Nitr. præparat. quotidie ad unc. fl. item Mercurium vitæ & omnis generis Diuretica mitiora, fortiora, &c. omnia incassum dedi. Abhinc Patiens sub sanitatis recuperandæ spe, promore Vulgi auxilium Empiricorum imploravit, qui statim tim Aureos ipsi montes promiserunt, multisqué sagi- natum Arcanis miserum in malis deseruerunt. Abdomine igitur mole suâ maximè urgente, ad Pa- racentesh sine morâ progrediendum erat; quam die 14 Januar. Chirurgus Expertiss. D. Anel. unanimi noster consensu Patienti administravit; contenta ve- rò consistentiam gelatinosam nacta per angustius Cannulae immisso spatium exire non poterant. In- cisio ergo cum Lancetta facienda erat; quâ factâ, mate- ria gelatinosa coloris grisei & lutei, albumine ovorum spissior, cum magna quantitate globulorum alborum sphaericorum, triangularium, vermicularium, gemello- rum, testiculi- & ovarii-formium, &c. magnitudi- nem nucis avellanæ adæquantium primo die ad mensu- ras sex evacuata erat, ægro quantum ad vires optimè se habente. Postero die, cum facile judicare licebat, fa- etam incisionem non satis esse amplam pro exitu majo- ribus hujus naturæ globulis concedendo, Lancettâ igi- tur vulnus ampliabatur, per quod globuli ovum Co- lumbinum magnitudine superantes magno numero cum sex iterum gelatinæ mensuris, & magno trusco massæ cujudam albæ portionem omenti referentis, de novo excreti erant. Cui Massæ plures dictorum globulo- rum filamenti fibrosis adhaerebant. In examinatione materiarum, gelatina super carbonum ignem indurescit & albescit, pelliculâ desuper se for- mante. Spiritu Vitrioli, Spir. Sal. Ammon. vol. Ol. Tart. per deliqu. Spir. Vin. rectif. Aceto affusis, manifesti nihil videtur, quàm levis induratio materiæ ab uno quoque istorum liquorum, et si naturâ inter se invicem contra- riorum. Globuli coloris sunt albissimi, sensui tactûs resistentes; rupti liquorem album chylo similem fundunt, mem- branâ seu pelliculâ manifestâ cincti. Massa Massa ista albicans quae portionem omenti refert, et si crassiter pollicem adaequet, substantiam purè membranaceam habet. Numerus globulorum majorum & minorum ad septem vel octo millia se extendit. Hodie qui est inclusivè decimus sextus ab operatione dies, æger quam optimè se habet, venter est mollis, planus, vulnus pulcherrimum, urina, pulsus, respiratio bona, consequenter nulla febris, somnus tranquillus. Evacuatio materiae gelatinosæ durantibus 13 diebus fuit copiosa, inodora, nunc purè serosa & parca, sed formam odorem spirans, immissumque Catheterem argenteum nigricans, quod corporibus heterogeneis corruptis magis quam vilceribus gangränâ prehensis attribuimus, quoniam febris abest. Hodie post injectionem Decocti ex Enula Campan. Agrimon. & Mell. cum Tinctur. Aloes. Myrrh. & Balsam. du Commandeur, rupti pellicula globuli fuit excreta, quem in statu suo naturali ovum gallinaceum mole adaequasse, fortassis superasse, certum est. Appetitus & vires nunc sunt quae nobis faciesunt. Medicamenta porrigo Traumatica, Alexiteria & Comfortantia invicem combinata juxta victum Analepticum. Φαινομενον notatu dignum examini versatorum in arte amicè discutiendum traditur, & ut animi sui sensa nobiscum communicare haud graventur, obnixè rogatur. Dabam Parisii d. IV. Calend. Januar. M DCC XXII. Barthol. Anhorn, ab Hartuiss.